Fiskivinnuroyndir 2022
Lýsing eftir umsóknum
Fiskivinnuroyndir er játtan hjá Fiskimálaráðnum, sum stuðlar royndir og kanningar – bæði praktiskar, vinnuligar og vísindaligar, ið menna og økja um framleidni í føroyskari fiskivinnu við atliti at lívfrøðiligari, búskaparligari og samfelagsligari burðardyggari gagnnýtslu av havtilfanginum
Verkætlanir, sum stuðul kann søkjast til, eru skipaðar í fimm høvuðsøki:
• Royndarveiða og virðisøking av fiski og fiskavørum
• Burðardyggur fiskiskapur
• Búskaparlig og samfelagslig menning av fiskivinnuni og førleikamenning í øllum liðum
• Kanning av uppvakstrarøkinum hjá fiski inni við land
• Skipan fyri góðskumeting av ráfiski
Serligur dentur verður lagdur á, at:
• vinnan tekur lut í verkætlanini
• eginfígging, onnur fígging og samfígging er skjalfest
• samstarv er við samstarvsfelagar í Føroyum (almennar og/ella privatar) og/ella uttanlands.
• at verkætlanin er skipað við einum stýrisbólki at fylgja við gongdini
Fyritøkur, almennir stovnar og einstaklingar kunnu søkja um stuðul úr Fiskivinnuroyndum.
Fiskivinnuroyndir kunnu væntandi innan fyri oman fyri nevndu høvuðsøki, í hesum umfari útluta 6,5 mió. kr. komandi ár til nýggjar og verandi verkætlanir.
Víst verður á, at møguleiki eisini er hjá vinnuni at søkja um stuðul til setan av vinnugranskara innan fyri oman fyri nevndu økir við fígging upp til 50%[1].
Um tørvur er á at orða hugskot til ítøkiligar verkætlanir ber til at seta seg í samband við samskiparan um hetta.
Umsóknir skulu verða samskiparanum í fiskivinnugransking í hendi í seinasta lagi mikudagin 15. desembur 2021, kl. 16:00.
Meira fæst at vita:
Programm, umsóknarbløð, vegleiðingar og annað kunnandi tilfar fæst á heimasíðu okkara www.fvg.fo
Áhugaði eru vælkomin at venda sær til Símun Grønadal, samskipara, við møguligum spurningum.
Fyrivarni verður tikið fyri játtan á løgtingsins fíggjarlóg fyri 2022.
Símun Grønadal, samskipari
tlf.: 35 30 30
fartel.: 22 22 58
Umsóknir skulu sendast til:
Teldupostadressu: fisk@fisk.fo
[1] max. 300 tkr./ár í 3 ár