Verkætlanir 2008

Fiskimálaráðið hevur gjørt av at játta pening til 11 nýggjar verkætlanir av játtanini Fiskivinnuroyndir.

Harumframt er framhaldandi játtan latin 11 verkætlanum, sum eru byrjaðar í 2006[1] og 2007, sí fylgiskjal 1.

Tilsamans fáa 22 verkætlanir játtað stuðul íalt 8.464 kkr. harav 4.999 kkr. fyri 2008.

21 nýggjar og 11(+1) framhaldandi verkætlanir ella tilsamans 32(+1) verkætlanir søktu upp­runaliga um tilsamans 15,6 mió. kr., harav 10,0 mió. kr. í 2007. Færri umsóknir vóru í 2008 (32+1) enn í 2007 (39), men positivt var, at fíggjarstyrkurin, sum hesar søktu frá FVR, var undir helvtina av samlaða kostnaðinum (42-43%) í 2008. Í 2007 søktu umsøkjararnir um ein reiðiliga stóran part av samlaðu fíggingina frá FVR (2/3).

Umsóknirnar hava verið viðgjørdar eftir sama leisti sum undanfarin ár, men endaliga viðgerðin hevur verið nógv seinkað, tí FVR er knýtt at árligu játtanini á fíggjarlógini, og hendan hevur verið nógv seinkað í ár. Vanliga er stýrið liðugt við innstillingarnar fyri nýggjárs. Stýrisbólkurin hevur ikki kunnað tikið enda­liga støðu til verkætlanirnar fyrr enn fíggjarlógin varð endaliga samtykt av løgting­inum[2]. Manna­gongd­ir­nar fyri viðgerðini eru lýstar á heimasíðuni her.

Seinnu árini hevur verið dentur lagdur á at fáa vinnufyritøkur at luttaka meira í verk­ætlanum. Serligur dentur var aftur í ár lagdur á at fáa verkætlanir innan ásettu 5 høvuðs­­økini, men sum samstundis kundu lýsa og loysa praktiskar trupulleikar at fáa alla veiðu til høldar (fisk, livur, rogn innvølir vm).

Í ár hava vinnufyritøkur fingið 40% (39% í fjør) av játtanini, meðan almennir stovnar[3] hava fingið 26% (35% í fjør). Ein postDoc-verkætlan verður stuðlað á Fróðskapar­setr­inum, og er hon íroknað tølini fyri almennar stovnar.

[1] Ein gongur aftur til 2005
[2] 2. og 3. viðgerð fór fram fríggjanáttina og leygarmorgunin 30.-31.mai 2008.
[3] FRS og Fróðskaparsetur Føroya



PhD verkætlanir hava fingið fjórðingin ella 25% av játtanini (móti 23% í fjør).

Granskingarkjarnurnar, sum Fiskimálaráðið setti á stovn fyri knøppum 5 árum síðani, hava fingið 9% av játtanini (móti 3 % í fjør). Granskingarkjarnan fyri Biotøkni hevur síðani 1. aug. 2008 húsast á Náttúruvísindadeildini.

Samanborið við 2004-2007 sæst, at vinnufyritøkur fáa játtað 40% ella nakað minni enn helvtina av peninginum í 2008 (40% í 2008 og 39% í 2007). Mett verður, at ynskiligt hevði verið, at hesin parturin var størri í ár, so hetta var meira í tráð við tey endamál, vit hava arbeitt eftir seinnu árini. Ætlanin er at fáa hækka góðskuna á umsóknunum í 2009. Kortini ber til at siga, at góðskan á umsóknunum er nógv batnað seinastu árini, og í ár varð mett at bert ein umsókn ikki fall innan økini, sum FVR stuðlar (í fjør vóru tað 8!).

Játtanin til PhD verkætlanir og post Doc[1] er økt reiðiliga nógv. Ein vinnugranskari verður somuleiðis stuðlaður komandi 3 árini. Somuleiðis er játtanin til verkætlanir hjá teimum 3 kjarnunum (biotøkni, framleiðslutøkni og reiðskapstøkni) hækkað eitt sindur aftur í 2008.

Játtanin til aðrar “almennar stovnar”, sum hækkaði eitt sindur í fjør er fallin aftur og er nú umleið fjórðingurin av játtanini.

[1] 6 PhD og 1 PostDoc verkætlan verða stuðlaðar av Fiskivinnugransking (ofta stuðlar Granskingarráð­ið nakrar av hesum eisini. Somuleiðis verður 1 vinnugranskaraverkætlað stuðlað av FVR í løtuni.

Bert ein vinnugranskaraverkætlan verður stuðlað í løtuni. Ynskiligt er, at vinnan nýtir hendan møguleika at “slúsa” granskarar inn í virkini (FVR endurrindar 50% av kostnaðinum, tó hægst 300.000 kr. árliga í upp til 3 ár).
 

Fylgiskjal 1: Verkætlanir 2008

DEGREE: Development of fishing Gears with Reduced Effects on the Enviroment
DNTS: Digital National Traceability System

Styttingar:
V: Vinnuverkætlanir
Phd: PhD-verkætlanir.
pD: Post Doc-verkætlan (er her íroknað almennar verkætlanir)
G: Granskingarkjarnurnar (biotøkni, framleiðslutøkni og reiðsskapstøkni)
A: Almennar verkætlanir

Árligu játtaninar í tølum og procentum:

[1] Ein gongur aftur til 2005
[2] 2. og 3. viðgerð fór fram fríggjanáttina og leygarmorgunin 30.-31.mai 2008.
[3] FRS og Fróðskaparsetur Føroya
[4] 6 PhD og 1 PostDoc verkætlan verða stuðlaðar av Fiskivinnugransking (ofta stuðlar Granskingarráð­ið nakrar av hesum eisini. Somuleiðis verður 1 vinnugranskaraverkætlað stuðlað av FVR í løtuni.


 

Fiskivinnunýskapan, -menning og -gransking

fvg.fo er heimasíða, sum lýsir granskingar- og menningar-virksemið innan fiskivinnu, sum Fiskimálaráðið umsitir.

Fiskivinnuroyndir játtaði 15 nýggjar og 7 framhaldandi verkætlanir fyri 2021 (sí kunning um FVR2021)

Fiskivinnuroyndir játtaði 14 nýggjar og 6 framhaldandi verkætlanir fyri 2020 (sí kunning um FVG2020)

Fiskivinnuroyndir játtaði 15 nýggjar og 9 framhaldandi verkætlanir fyri 2019 (sí kunning um FVG2019)

Fiskivinnuroyndir játtaði 19 nýggjar og 7 framhaldandi verkætlanir fyri 2018 (sí kunning um FVG2018)

Stevnan fyri fiskivinnuroyndir er at fremja royndir og kanningar – bæði praktiskar, vinnuligar og vísindaligar, ið menna og økja um framleidni í føroyskari fiskivinnu við atliti at lívfrøðiligari, búskap-arligari og samfelagsligari burðar-dyggari gagnnýtslu av havtilfanginum.