Starv sum samskipari er leyst at søkja - freist 11/1-2021


mikudagur, 23. desember 2020


Spennandi starvið sum samskipari fyri fiskivinnugransking er leyst at søkja. Jákup Mørkøre, sum hevur røkt starvið í nógv ár gevst í endanum av februar komandi ár.


Spennandi starvið sum samskipari fyri fiskivinnugransking er leyst at søkja. Jákup Mørkøre, sum hevur røkt starvið í nógv ár gevst í endanum av februar komandi ár.

Freistin at søkja er sett til mánadagin 11/1-2021.

Lýst verður eftir “Fulltrúa til Fiskimálaráðið”. Starvið er fulltrúastarv.

Í lýsingini (fæst við at trýsta her ella á https://www.fisk.fo/fo/um-radid/leys-storv/)  verður greitt frá:

Høvuðsuppgávur

  • at hava um hendi málsviðgerð av umsóknum til Fiskivinnuroyndir,
  • at umsita mál um royndarfiskiskap, fiskiveiðiroyndir og -verkætlanir annars, harundir spurningar um gagnnýtslu av fiskatilfeinginum
  • viðgera mál, ið hava við gransking at gera og luttaka í ymsum samstarvi um gransking
  • at taka stig til tiltøk, sum birta uppundir granskingar og menningarvirksemi og miðling av úrslitum innan fiskivinnugransking
  • at umboða Føroyar í tí norðurlendska fiskivinnusamstarvinum.

Almenn førleikakrøv

  • Viðkomandi akademiska útbúgving.

Aðrir førleikar (. ..tað eisini av týdningi, at tann setti)

  • kann arbeiða sjálvstøðugt og miðvíst
  • hevur áhuga fyri samfelagsviðurskiftum og evni at síggja virkisøkið í síni heild, men eisini megnar at fara í smálutir, tá ávísar arbeiðsuppgávur krevja tað
  • hevur góð evni at samskifta í talu og skrift á føroyskum, norðurlendskum og enskum fyri leikum og lærdum.
  • .... fulltrúin skal hava fyrisitingarligar royndir, harundir innlit í fíggjarstýring.

........

Nærri upplýsingar um starvið kunna fáast frá Andras Kristiansen, deildarstjóra, á telefon 553 241, ella senda teldupost til fisk@fisk.fo

 

Fullur tekstur av lýsingini sæst við at trýsta her (Fiskimálaráðið søkir í somu lýsing bæði eftir løgfrøðingi og fulltrúa til Fiskimálaráðið).

 

Jákup Mørkøre

Fulltrúi og Samskipari / Research Coordinator.
Mobile 55 32 48